Waxa aan maanta daahfuray tababarka goobjoogayaasha maxaliga ah ee kormeeri doona doorashooyinka isku lammaan ee madaxtooyada iyo Xisbiyada/Ururada siyaasadda Somaliland oo dalka ka qabsoomi doona 13 November 2024.
Tababarkan ayaa maanta SONSAF u qabatay 150 goobjooge oo ka hawlgali doona gobolka Maroodi jeex ee Jamhuuriyadda Somaliland.
SONSAF waxa ay sidoo kale maalmaha soo socda ay tababaro u qabandoontaa goobjoogayaal ka hawlgeli doonaa gobolada kale ee Somaliland.
Dalladda ururada bulshada rayidka ah ee Somaliland (SONSAF) waxa ay tan iyo 2008 goobjoogayaal maxali ah u diraysay in ay kormeeraan doorashooyinka iyo diiwaangelinta codbixiyayaasha, islamarkaana waxa ay SONSAF doorasha kasta ka soo saartaa warbixin tifaftiran oo ku saabsan hannaanka ay doorashooyinku u qabsoomaan iyo talo-soojeedimo ku lammaan oo looga gonleeyahay in lagu wanaajiyo nidaamka doorashooyinka Somaliland.
